سبب الفجوة بين الكبار والشباب .

الحقيقه ان الرسم البياني دا بيوضح فجوة كبيرة موجودة في المجتمع مابين الشباب لحد ٣٥ سنه وكبار السن ممن هم فوق ال ٥٠ سنه ، وبداية ف الجميع على راسنا ،

في دراسة ل معهد رويترز بتقول ان الشباب الي اعمارهم ٣٥ سنه فما تحت بيشوفوا الاخبار والاحداث من خلال الوسائل الرقميه ومنهم حوالي ٦٤ ٪ اعمارهم مابين ١٨-٢٤ سنه ،
طيب والي اعمارهم فوق ال ٥٠ سنه بيعرفوا الاخبار من خلال التلفزيون ،
طيب والي مابين ٣٥ و ٥٠ ؟ دول بقى ميكس من الآتنين تلفزيون و رقمي ،
طبعا بيجي في اخر البياني الجرايد والراديو .

الفكره ان الشباب دايما هما الي بينبني عليهم الآمل الجاي لكل مشروع ، سواء كان المشروع ده على اسكيل بيزنس صغير او اسكيل بناء دوله ، والكبار في الغالب هما الي في ايدهم رؤس الآموال والقرارات ، ف تلاقي المشكله ان الشاب عنده مشروع على اي اسكيل ايا كان مش عارف يقنع بيه الكبير ولا عارف يخليه يصدقه ، لان الكبير بيتلقى محتوى منقوص كتير عن الي بيشوفه الشاب . 

طيب ايه الي بيعمل الفجوه بين الشباب والكبار ؟ ان السوشيال ميديا صعب السيطره على محتواها ف بنسبه كبيره المحتوى الي عليها من اخبار هتلاقيه اصدق وموثوق اكت من الي التلفزيون بينقله ، فتلاقي الشباب متآثرين بآفكار والكبار على عكسهم ،
اظن دا ممكن يعكس صوره كبيره للمجتمع الي احنا عايشين فيه ودا اتكرر في امثله كتير من اول ثورة يناير على حد يومنا هذا .
المصدر 

businessinsider.com